[陰影] Too Cool For School 三色陰影

呢個陰影粉餅又係老牌戰鬥機黎😂平價之中嘅戰鬥機果種呀 呢個好用嘅程度係店主真係用到hit pan🤓（ok更新一下Status 係碎埋🙃

佢三色嘅配搭真係做得好好 個色調真係好實用 呢個要抵讚👍🏻店主以前只係用佢做輪廓shading 近排偶然一次趕時間搵唔到用開嘅missha果餅陰影粉就隨手拎佢黎做鼻影 又無lum果佢咁掂嘅🥴以前一直覺得佢偏黃肯定唔岩做鼻影 真係估佢唔到😚

另外都知道有好多sis對於呢兩個色應該點揀都頭都大埋🤣（或者係揀咩shading嘅時候都會好困惑
其實總括黎講黃調&灰調都係好適合大部分亞洲人嘅膚色嘅 唔同嘅地方只係在於佢地各自用係邊個部分同點用❣️
店主綜合左一d博主&自己本身嘅經驗同見解 簡單寫左少少 呢個選色技巧無論係邊款shading都好啱用架 大家可以參考一下👇🏻

💛黃調shading：

適合用於較大面積嘅半陰影地方 即容易隨住臉嘅角度變化+受光程度而有所改變 例如側臉位置、顴骨下方、額角呢啲部位

記得一定要輕手 嫌唔夠可以慢慢build up 切忌試圖一步登天 如果唔係就會變成鬍鬚🧔😹

🤍灰調shading：

適合用於加強骨骼結構造成的陰影 即日常生活中幾乎唔會見到光嘅地方 例如下頜骨、下巴、山根（即鼻影）等

可以落重手 但記得一定要用把細掃操作 如果唔係會好似俾人打瘀左咁😹