[精華] Ma:nyo Factory Bifida Biome Complex Ampule魔女工廠升級版乳酸菌修復精華

全新升級版🔥❣️比舊版更滋潤 但更容易吸收！

最近好多客人問我有無咩秋冬精華推薦❣️
呢款店主之前用過試用裝 同自己果支某牌真·小棕瓶對比過試用感真係差唔多 （有d後悔🤕
可能會比起來係少幾個佢品牌自己嘅專利成分 但大家lum下佢呢個價錢！！已經做到幾乎八成以上嘅效果 仲唔夠叻嗎！😂😂😂

好多人以為抗初老係二十幾三十歲先啱用嘅嘢黎 但事實係女仔一到二十歲臉上嘅膠原蛋白已經開始流失 再唔開始補救就可能太遲💩
加埋我地學生黨經常會恃住自己後生或者趕各種ddl熬夜對住部電腦&手機
唔講熬夜啦 藍光對皮膚嘅傷害真係唔講得少
真係要好好保養😞如果唔係就真係太遲 當然唔係話無得補救 但你lum下到時候又要洗成幾倍嘅錢同時間去做醫美同用各種貴婦護膚先救得返 係咪依家開始保養會更划算！🤯🔥

講開又講 呢枝精華係韓國真係好hit TBH真正韓妹爆款嘅精華唔係咩Innisfree EH 呢d牌子出嘅 真正符合人手一瓶、大熱呢d標準嘅精華就係佢
佢厲害嘅程度係係2012年係無代言無廣告之下都創下120億KRW銷售嘅紀錄😨店主聽到嘅時候都即刻嘩左一聲......Anyway呢個同我地無咩關係 最重要係效果！同成份！（推眼鏡
既然講到呢樣我地就一於黎睇睇
👌由包裝上開始睇睇先......睇佢係棕色包裝又係細細枝 有無令你lum起某E牌嘅看家花旦👀 但講真其實佢主要功效都幾似......
主打補水保濕、修復、抗氧化、初期抗衰老、改善細紋，聽落去係咪其實都有8成似😹😹但價格絕對平好多🤤
效果過關✅咁但係最重要嘅成分呢？🧐睇番成分表
最主要係60%二裂酵母+31%乳酸桿菌+2%煙酰胺
喔吼一聽到煙酰胺即刻就get到一個新功效 美白😏咁加加埋埋前後都幾全能......難怪韓妹個個都咁愛佢🤣
而且成分全天然，孕婦同敏感肌都可以安心使用✅注重成分細節比如我嘅😹都可以放心埋

不過值得一提係佢質地偏潤 唔算得上乾爽 大油皮可能就要lumlum啦