[面霜]Laneige Radian-C Cream美白抗藍光面霜

集抗氧化&保濕功能於一身～！即使係秋冬都可以白住咁過🧏🏻‍♀️

相信好多sis都有早C晚A呢個習慣 抗氧化+美白雙重出擊 兩個都可以話係女仔係護膚上畢生奮鬥嘅目標😹店主都無例外！！作為一個混合皮 如果早上單用維c嘅精華係絕對頂唔順 唔夠潤呀......雙頰真係唔得掂🥴混其他精華又怕會過敏 而且妝前大家都知道 越簡化就越好（免去後續脫妝卡粉等等一系列問題）真係煩死

前排終於係大家嘅夾攻下😹（好多好燒我嘅feedback！）自己偷偷拎左支用 又真係估你唔到！🤣潤得黎唔係笠👍🏻抵讚 質地係屬於有輕微油潤感嘅啫喱狀 呢種天氣啱啱好！

至於抗氧化方面係真係有料到 店主雖然唔係長期用 但用係上妝前 後續個妝嘅氧化問題係有改善到👍🏻店主特登用粉餅試佢（氧化比較明顯）平時五個鐘多d已經黑曬 一定要補...但用佢打底後再上可以延長到八個鐘左右先有輕微暗沉 雖然未到100%滿意 但已經表現非常唔錯！👍🏻

睇其他韓妹review普遍比較多反映嘅係佢淡斑嘅效果係堅嘅 唔同其他一般果酸類產品敏感肌免問 佢係做到敏感肌都可以用嘅溫和 唔洗擔心