[精華]Torriden Dive-in Serum

店主真實用後感review～全無廣告成分
（第一次打review哈哈有d忐忑～希望大家會鍾意啦 如果鍾意以後我都會努力寫多d 俾大家買嘢前可以多一樣嘢參考🙆🏻‍♀️❤️

係講我自己嘅用後感前先同大家介紹返少少佢嘅特點
先唔講佢係韓國人自己投出黎嘅화해精華部門第一位啦🙈功效簡單直接 深層保濕 修復屏障 全天然成分 0刺激 肌膚敏感肌都用得
-完-

講正題 到真實用後感啦～
店主自己本身係混合輕敏感肌黎 曾經偏油依家開始偏乾了😑（老啦
雖然係咁但係T區出油問題都一直幾困擾我 事關點用控油product都好都係捱唔過6hrs（返工6個鐘真係必須🤒唔係我吹毛求疵 無計

一直都知道自己其實應該係屬於外油內乾型（因為鼻哥有時候化妝頻密左d就會甩皮💔邊出油邊甩皮🤮
點敷mask點做唔同嘅皮膚管理都好都無用...所以其實比起搵控油產品近年我都好努力想改善我呢個外油內乾問題 做返水油平衡

如果你同我一樣都有呢個困擾嘅話torriden呢枝野真係必試
（利申：我用左佢到依家近乎兩個月了 絕對唔係用左幾次就黎分享架 你見到圖入面枝野無左三分一就知

我一般拎佢有三種用法：
1.早上妝前用 做妝前打底
（routine係：雪花秀滋陰水+torriden+clinique ID）
2.晚間skincare
3.刷酸後嘅最最最基礎保濕護理

每次都係用半～1 pump左右 係偏流動性高嘅精華黎 搽上面好水潤 推開按摩吸收之後會回復乾爽 唔黏膩（呢個可以睇睇我後面條片～紙巾都痴唔上😂

但佢最好嘅一個point係佢乾爽得黎係滋潤嘅 同佢打底後續用咩粉底我都無試過起敏感（店主皮膚係一乾就會痕又泛紅
有時候夜左返屋企差唔多10點11點先卸妝都無試過因為乾而起敏感過 個人覺得同佢真係有關係👍🏻而且有無留意到我上面提到 我係有刷酸習慣 其實對皮膚都幾刺激 每次做完面頰係會即刻有d泛紅 但之後用返dermatory嘅積雪草pad濕敷後再加埋佢 第二天早上起身完全無問題😆❤️超開心

最最最重要係 keep住用佢一個月左右開始我已經發覺到出油情況真係有減緩左（鼻哥同臉頰我就撇除講啦戴住口罩好難唔焗到出油
但係額頭出油量真係少左好多 以往6個鐘就會煎蛋🍳令笠笠咁 但佢係6個鐘先開始出油 少左好多 去到八個鐘開始先要拎紙巾/吸油紙印印 真係改善左唔少❤️呢樣真係要大讚

總括而言佢比較適合同我一樣面對外油內乾問題嘅sis或者混合皮嘅客人 油肌我覺得都可以一試 當係一枝保濕精華用係絕對無問題的 但如果係乾肌嘅話可能就要lumlum佢夠唔夠滋潤（雖然我覺得一般來說其實都可以 畢竟依家係夏天 但極度乾嘅沙漠肌就要三思啦