[眼影]Holika Holika My Fave Mood Eye Palette（2021新色）

慵懶寫意VS靜謐朦朧

你又最鍾意邊一種嘅Mood呢？☕️🥖

HOLIKA HOLIKA呢一排最hit嘅產品沒有之一！灰調紫芋+奶油烘培 簡直就係將最近大家最喜愛嘅眼影元素融合埋一齊 唔得掂呀喂💓

雖然係討論度上Moony呢盤紫薯奶茶色好似比較高 但Daizy都唔差架 最關鍵係佢係真真正正嘅一盤黃皮完全hold得住嘅色 無論新手定老手 只要你係亞洲人就唔會唔啱你嘅一盤配色😹日常超啱用！

Moony呢d紫灰色調最近終於多左人喜愛啦💓5555之前好多客人見到我推類似色嘅眼影盤都以為我係度開玩笑：唔係呀嘛咁奇怪嘅顏色你居然推薦？唔怕變打腫眼？😟🤦🏻‍♀️店主見到咁都幾無奈 其實灰紫色真係真係真係好消腫好💯可以好日常嘅色黎......大家唔好比固有思維搞到錯曬 尤其係如果你係唔黃唔粉有點藍綠嘅橄欖皮😂灰紫色真係你嘅千里馬 完全唔係好似你平時搽咩色都覺得怪怪嘅感覺 超級深邃有神！